تجربتي مع كميرا التصوير

[رايت]

بسم الله الرحمن الرحيم
اول حاجه تحيه طيبه لجميع الاعضاء
حبيت انقل لكم تجربتي مع الكميرا ..... في البدايه هذه الكميرا نوع سوني Cx180
الموضوع كان في البدايه اجى الرجل وقال ادفن اي حاجه وانا بصورلك اياها علشان تقتنع وبالفعل دفنا عدة اشياء وكان يعطينا صورهن اشي مذهل وبدأنا العمل معه
طبعا كان الرجل يأخذ اجره 150 دينار اردني
وطلعنا على الموقع وصور واعطانا صورة دفين( برفع الصوره )
وقال العمق ما بعرف احددو بالضبط بس قال الكميرا بتصور لغاية 12 متر تحت الارض بس قال الهدف قريب يمكن 3 متر حسب خبرته وحفرنا لغاية 3 متر ومالقينا شي ....
وبالمختصر جبناه كمان مره يصور
صور وقال لسى الهدف موجود تحت انزلوا واعطانا نفس صورة الهدف وانزلنا كمان مترين وما لقينا شي وهلما جرا ...
وضلينا ننزل لغاية 15 متر كونها الارض طريه وطبعا مش انا المسيطر ولا الممول يعني مع الفريق

[رايت]

بس بدي ارفع الصوره وبكمل

[momen wahba]

فى انتظار رففع الصور

[أبو/سلطان]

السلام عليكم
ارفق الصور
بالتوفيق

[amanapro]

السلام عليكم
أخ رايت لا يوجد كاميرا تصور تحت الأرض وإن كان يوجد كاميرا (ولكن لا أعتقد) لا يمكن أن تنزل 12 متر.
وفر على نفسك النصب (150 دينار) ولا تتعامل مع حدا يأخذ أجر ولا يريد حصة من الدفن فهذا هو قمة النصب. حسبنا الله ونعم الوكيل

[رايت]

بسم الله الرحمن الرحيم
اخواني الاعزاء انا انقل لكم ما جرى معي بالضبط من باب النصيحه والمعرفه بالشيء لا اكثر واي اخ كريم حب يأخذ من هاي التجربه على الرحب والسعه والا مش مقتنع كمان على الرحب والسعه احنا اخوان ان شاء الله
بس انا مشيت بهاي الامور سنين وبعرف الاشي الكذب والدجل لكن هاي الكميرا كانت تصور اغراض احنا نحطها تحت عمق 15 متر والله كان اشي حقيقي يعني مره انا حطيت جك السياره وبدون علم الرجل وصور وشاهدت الصوره مستحيل اكذب اشي حقيقي ..عموما انا رفعت الصوره وبس اتشوفوها بدي ارفع فيديو بعد ما صرنا نحطلوا اغراض ونخليه يصور

[رايت]

طبعا الي على الشمال صندوق وهو بصور ثانيه اوضح ولما ارفع الفيديو ببين كمان اوضح
طبعا يا اخواني 5 شهور واحنا نشتغل على هاي الصوره اذا كانت حقيقيه بين قوسين
(كل اشي حقيقي الا صورة الهدف )
طبعا هاض تحليلي علشان يضل يجي يصور ويقبض والله اعلم و5 شهور كانت المده لانو ما كان يجي مباشره بعد ما نرن عليه كان اغلب وقته يطلع على السعوديه يقعد اسبوع
و يرجع طبعا شغل على الكميرا ..وبجوز كان يعطيهم نفس الصوره الله اعلم ما بحط بذمتي

[رايت]

وانا رفعت هاي الصوره علشان اي حد شافها من قبل او رح يشوفها يعرف مباشره انها كذب وبكره ان شاء الله بكون رفعت الفيديو..

[أبو/سلطان]

أخي رايت أنت تقول أنك دفنت أشياء بنفسك - وشاهدت صورتها في الكاميرا

وبنفس الوقت لم تستخروا الهدف !

مالمشكلة برأيك ؟

[الورديغي]

هدا ما لا يصدقه العقل تصوير 12متر تحت الارض

[THEEB]

والله اشي حلو يازلمه

يعني اذا بدنا نطلع الصندوق اول شي نسوي سلفي معه وبعدين نطلعه؟

اسأالك بالله كاميرا لايوجد بها مجسات وسعرها لايتجاوز ٥٠٠ ريال تصور ماتحت الارض

كان الغرب مااخترع اجهرة رادار مثل حجم السيارة عشات تصور ماتحت الارض ويكتفون بالكميرا بحجم الكف

حدث العاقل بما يعقل

شكرا

[السراب الازرق]

والله اشي حلو يازلمه

يعني اذا بدنا نطلع الصندوق اول شي نسوي سلفي معه وبعدين نطلعه؟

اسأالك بالله كاميرا لايوجد بها مجسات وسعرها لايتجاوز ٥٠٠ ريال تصور ماتحت الارض

كان الغرب مااخترع اجهرة رادار مثل حجم السيارة عشات تصور ماتحت الارض ويكتفون بالكميرا بحجم الكف

حدث العاقل بما يعقل

شكرا

السلام عليكم ورحمة الله تعالى وبركاته...
http://bgr.com/2016/09/12/x-ray-visi...a-closed-book/
شكرا...

[رايت]

بسم الله الرحمن الرحيم
لا يهمني اي تعليق انا بدي الافاده للمسلمين
هذه الكميرا نوع سوني Cx180 تعمل على تقنية اشعة اكس برنامج بتشتريه من النت مره بس هو على قولو انو اشتراك بس في لغز بالكميرا على اخر ما توصلتلو انو في قطعه بكون الرجل مخبيها بجيبتوا او تحت ملابسو او حتى بملابسو الداخليه المهم يقدر يكبس على هاي القطعه لانها بدونها الكميرا بتصير عاديه شو هي القطعه الله اعلم بس حسب ما توصلتو (طبعا عن طرق التوائيه )هي زي ريموت
وبكبس عليه بتصير الكميرا تصور بالاشعه وانا هاض الحكي متاكد منو مليون بالمليون

[رايت]

والرجل ما كان يسمح لحد يقرب منو بحجة انو بتتأثر الكميرا
بس السبب الحقيقي ما بدو حد يعرف سرها وانا كنت ضامر نيه انو لو ربنا رزقنا اني اشتريها باي ثمن و اكشف سرها وارفعو على النت علشان الكل يستفيد ويسترزق لكن هذا الي صار

[amanapro]

السلام عليكم ورحمة الله تعالى وبركاته...
http://bgr.com/2016/09/12/x-ray-visi...a-closed-book/
شكرا...

السلام عليكم أخي السراب الأزرق
لا أعرف في هذا الرابط الذي وضعته انك تؤيد أم تخالف وجود كاميرا تستطيع أن تصور داخل الأرض وعلى أبعاد 12 متر وما شابه.
لأن هذا الرابط يتكلم عن تكنولوجيا التيراهرتز وهذه التكنولوجيا تكاد لا تقتصر أن تخترق أكثر من 2 سم ومجالها فوق الأرض حصرا وهي لا تخترق أي مكان فيه بقعة من الماء.
لذلك سألتك أخي لأني لم ار الربط بينها وبين موضوع الأخ عن الكاميرا التي اخترقت أعماق 12 إلى 15 متر في الأرض.

حياكم الله وشكرا