إعـــــــلان

تقليص
لا يوجد إعلان حتى الآن.

ارجو الافادة على وجة السرعة افادكم الله

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ارجو الافادة على وجة السرعة افادكم الله

    السلام عليكم إخواني الكرام.
    كنت محتاج رأي الخبراء في المنتدي الاكثر من رائع.

    الموضوع بدأ معايا بأني كنت بحلم إن في مكان معين اسفل منزلي يوجد كمية كبيرة من الصناديق الخشبية كبيرة الحجم في مكان عبارة عن ثلاث غرف ولم اري ما بداخل هذة الصناديق .
    وهذة المنطقة هي الاعلي منسوبا في بلدنا حيث يوجد منزلي علي تلة يعني مرتفع إلا حد ما .
    من 10 سنوات هدمنا المنزل واقمنا منزل جديد علي الارض واحنا بنحفر للاساسات كنا بنقابل مايسمي بكسر الفخار وعظام وطوب غريب علي عمق 4 متر .
    وفي واحد في المنطقة معروف عنة انة شغال في مجال الحفر علي اثار ومتراضي اكثر من مرة لانة واضع علية الثراء وفي الاصل كان إنسان عادي.
    المهم هذا الرجل اتي إلي والدي وقالة باللفظ انت عندك خير تحت ارضك خليني اطلعة والبنص. الصراحة والدي طردة وقالة مفيش الحاجات دي هنا ومشي الرجل واقمنا المنزل.
    وفضل الحلم يطاردي بردو مع العلم اني لا اعلم شئ عن هذا المجال االي هو الاثار يعني .
    بدأت اجيب ناس اللي بيتقال عليهم روحانين والله اعلم .
    جبت ثلاثة علي فترات وكلهم اجمعو علي نفس المكان اللي كنت بحلم بية . بعدها جة إبن عمي وقالي في جهاز بيكشف عن فراغات وبالفعل جة واحد بجهاز عبارة عن ثلاث قطع وخارج منهم زي زراع كدا مسكة فأيدة وكشف والجهاز جة عند المنطة اللي الكل اجمع عليها وفضل يصفر كتير اوي والراجل قال هي دي نزلة المكان وكمان معاة جهاز تاني قال ان ضغط الغاز فالمكان موجود يعني متفتحش قبل كدا وقال انة عبارة عن كذا قبوة .
    وللامانة الراجل صاحب ابن عمي و مأخدش فلوس .
    بعد كدا بدأت بالحفر ومن بداية ال9 متر بدأت الاقي شقف وكوب احمر و قطع شقف وكسر زلع و فحم وحاجة تشبة العضو الذكري . لحد ال9 متر كان الحفر سهل الحمد لله ولا يوجد مياة .
    اكملت الحفر ومن اول ال9 متر لحد ال13 متر كانت تربة نشفة جدا ومتماسكة واخدت مننا وقت وبها لقينا بردو نفس الدلائل اللي ذكرتها و ذيادة عليها فك اسنان بس من الواضح انة يخص حيوان وليس إنسان .
    وكل دا والحمد لله مفيش مياة .
    بعد ال13 متر الارض فصلت وبقت رمال ناعمة جدا زي بتاعت شط البحر ومع اول حفر ربع متر بها ظهرت مياة وليست بالكثيرة بس في مياة واضحة.
    حفرنا حوالي متر في هذة الرمال ولاحظنا ان ثلاث اجناب من هذة الرمال تنهار بشكل سريع وليس بها اي تماسك والجانب الرابع متماسك وليس من نفس النوعية من الرمال . عبارة عن رمل مخلوط بطين ومتماسك وهذا الجانب يوجد جهة الغرب .
    فهل استكمل الحفر إلي اسفل ولا حد عندة رأي تاني .
    مع العلم اني نازل حفرة دائرية قطر حوالي متر وربع .
    والحفرة لحد طبقة الرمال متماسكة الحمد لله والمياة مش بتعلي يعني مش بتملا بير الحفر.

    افيدوني جزاكم الله خيرا
    وأسف جدا جدا علي الاطالة
    التعديل الأخير تم بواسطة طلحه المصرى; الساعة 2019-02-20, 09:03 AM. سبب آخر: حذف بيانات الموقع الجغرافى

  • #2
    نسيت نقطة ان عند ال7 متر قابلنا طبقة معمولة من الطوب الاحمر شكينا انها ممكن تكون السقف فكسرناها واكملنا الحفر والواضح انها طبقة مشية افقيا فالارض بأكملها لاننا وسعنا الحفر من حولها حوالي نص متر من جميع الجوانب وموجودة هذة الطبقة

    تعليق


    • #3




      تعليق


      • #4
        بما انك ع تله فبطبع موقع مميز جدا
        اكمل الحفر وصورة اخرا للحفرا من داخل ونشالله الله بعطيك ويعطيك العافيه

        تعليق


        • #5
          بص اخي الحبيب ..... انا والله ليه وجهه نظر خاصه وجايز متكونش صحيحه ......انا جربت التنقيب تلت مرات ... مرتين فيهم مشيت بموضوع كسر الفخار والطوب الاحمر والرصد والاحلام والكلام الفاضي ده ..... كان فيه كسر فخار وصدف وعضم وفحم وطوب احمر وقعدت افحر .. واتكلفت كتير وسحره وقرف ربنا يسامحنا عليه .... المهم اتوفقت بشخص عنده جهاز فخم جداا اجرته بخمستاشر الف ... روحت كشفت فكل مكان من الاتنين دول ... والله ملقيت حتي الهوا .... ولذلك كل الدلائل اللي مصدعين دماغنا عليها ديه كلام فارغ ... لان اي حضاره بتمر بتسيب اثرها فالمكان ... لكن انت يهمك المدفن الدهب والتماثيل صح .... يبقي انته تشوف حد عنده جهاز تمام تخسر كام الف بس .. متخسرش الامل الحلم ... خيبت الامل هيه اصعب شئ فافلام الاثار ديه .... ربنا يوفقك واتمنالك التوفيق ان شاء الله

          تعليق


          • #6
            اسمو ايه الجهاز اخي صوت الحقيقه

            تعليق


            • #7
              والله يا اخي انا مسالتوش ... بس هوه جالي من طرف صديق ليه .... وصديقي شخص محترم ولا يعرف غير الثقات والمحترمين ... ولما قابلت صاحب الجهاز لقيتو انسان في منتهي الاحترام ... فمشغلتش بالي اسال علي اسم الجهاز ... لان صاحبه قالي انه بيجيب اربعين متر عمق ... وميت متر مربع ...افقي ِ.... وعلي كل هوه كشف مقبره ... فالمره الثالثه ... ولكنها علي عمق تلتاشر متر وعشرين سنتي .... ومبقاش فيه امكانيات نصرف عليها ... بعد مضيعت فلوسي علي المكانيين ورا الدجالين والسحره والحفر علي اساس الاحلام ... بس كله مقدر خير ان شاء الله

              تعليق


              • #8
                انا راي انتظر رد الاخ طلحه ممكن يميز لك مكان مدفني او مكان سكني

                تعليق


                • #9
                  ننتظر رأي الاستاذ طلحة

                  تعليق


                  • #10
                    المشاركة الأصلية بواسطة Mohamed.nasar مشاهدة المشاركة
                    السلام عليكم إخواني الكرام.
                    كنت محتاج رأي الخبراء في المنتدي الاكثر من رائع.

                    الموضوع بدأ معايا بأني كنت بحلم إن في مكان معين اسفل منزلي يوجد كمية كبيرة من الصناديق الخشبية كبيرة الحجم في مكان عبارة عن ثلاث غرف ولم اري ما بداخل هذة الصناديق .
                    المهم منزلي يقع بمحافظة الغربية وتحديدا بمنطقة مسجد (السيد البدوي) وهذة المنطقة هي الاعلي منسوبا في مدينة طنطا حيث يوجد منزلي علي تلة يعني مرتفع إلا حد ما .
                    من 10 سنوات هدمنا المنزل واقمنا منزل جديد علي الارض واحنا بنحفر للاساسات كنا بنقابل مايسمي بكسر الفخار وعظام وطوب غريب علي عمق 4 متر .
                    وفي واحد في المنطقة معروف عنة انة شغال في مجال الحفر علي اثار ومتراضي اكثر من مرة لانة واضع علية الثراء وفي الاصل كان إنسان عادي.
                    المهم هذا الرجل اتي إلي والدي وقالة باللفظ انت عندك خير تحت ارضك خليني اطلعة والبنص. الصراحة والدي طردة وقالة مفيش الحاجات دي هنا ومشي الرجل واقمنا المنزل.
                    وفضل الحلم يطاردي بردو مع العلم اني لا اعلم شئ عن هذا المجال االي هو الاثار يعني .
                    بدأت اجيب ناس اللي بيتقال عليهم روحانين والله اعلم .
                    جبت ثلاثة علي فترات وكلهم اجمعو علي نفس المكان اللي كنت بحلم بية . بعدها جة إبن عمي وقالي في جهاز بيكشف عن فراغات وبالفعل جة واحد بجهاز عبارة عن ثلاث قطع وخارج منهم زي زراع كدا مسكة فأيدة وكشف والجهاز جة عند المنطة اللي الكل اجمع عليها وفضل يصفر كتير اوي والراجل قال هي دي نزلة المكان وكمان معاة جهاز تاني قال ان ضغط الغاز فالمكان موجود يعني متفتحش قبل كدا وقال انة عبارة عن كذا قبوة .
                    وللامانة الراجل صاحب ابن عمي و مأخدش فلوس .
                    بعد كدا بدأت بالحفر ومن بداية ال9 متر بدأت الاقي شقف وكوب احمر و قطع شقف وكسر زلع و فحم وحاجة تشبة العضو الذكري . لحد ال9 متر كان الحفر سهل الحمد لله ولا يوجد مياة .
                    اكملت الحفر ومن اول ال9 متر لحد ال13 متر كانت تربة نشفة جدا ومتماسكة واخدت مننا وقت وبها لقينا بردو نفس الدلائل اللي ذكرتها و ذيادة عليها فك اسنان بس من الواضح انة يخص حيوان وليس إنسان .
                    وكل دا والحمد لله مفيش مياة .
                    بعد ال13 متر الارض فصلت وبقت رمال ناعمة جدا زي بتاعت شط البحر ومع اول حفر ربع متر بها ظهرت مياة وليست بالكثيرة بس في مياة واضحة.
                    حفرنا حوالي متر في هذة الرمال ولاحظنا ان ثلاث اجناب من هذة الرمال تنهار بشكل سريع وليس بها اي تماسك والجانب الرابع متماسك وليس من نفس النوعية من الرمال . عبارة عن رمل مخلوط بطين ومتماسك وهذا الجانب يوجد جهة الغرب .
                    فهل استكمل الحفر إلي اسفل ولا حد عندة رأي تاني .
                    مع العلم اني نازل حفرة دائرية قطر حوالي متر وربع .
                    والحفرة لحد طبقة الرمال متماسكة الحمد لله والمياة مش بتعلي يعني مش بتملا بير الحفر.

                    افيدوني جزاكم الله خيرا
                    وأسف جدا جدا علي الاطالة

                    وعليكم السلام ورحمة الله وبركاتة
                    حياك الله اخى الكريم

                    بالنسبة لموقع حضرتك
                    ياريت تصرف نظر تماما عن موضوع الروؤى والاحلام والشيوخ بتوع الكشف .

                    خلينا نتكلم بطريقة علمية
                    الموقع الذى تم الحفر به موقع أثرى
                    يعنى انت الأن بتعمل بموقع به مخلفات وبقايا أثرية لحضارة سابقه
                    الدلائل اللى ظهرت معاك وحطيت صورها
                    دى دلائل أثرية من العصر الرومانى بإحتمال كبير .

                    الموقع كاكل يحتمل أنه يكون مدفنى
                    بس لايمكن يظهر لك أبعاد الموقع بالحفرة دى اللى انت عاملها !!!

                    مش كل حفرة هتحفرها يبقا لازم تكون نازل فوق مقبرة !

                    مفيش شئ لتحت يعنى الأحتمال الأقوى لوجود مبنى حجرى او طوب هيكون فى المنطقة اللى التربه بتاعتها متغيره
                    مع الأجناب اللى بتهيل .

                    لأ أنصح بإستكمال الحفر فى ذلك الموقع بسبب خطورة العمل بالطريقة التى تعملون بها .

                    بالتوفيق
                    سبحان الله وبحمده
                    سبحان الله العظيم

                    تعليق


                    • #11
                      شكرا لحضرتك اتساذ طلحة.
                      بس لو تكرمت ممكن تقولي اخد قطرة فأي إتجاة

                      تعليق


                      • #12
                        وانا اسف عندي كمان استفسار .
                        لو في احتمالية وجود مبني مدفني من الصخور او الطوب زي ما حضرتك قولت.
                        هل هذا البناء احتمالية وجودة فطبقة الطينة او اسفلها في طبقة الرمال . وما هو مدي ارتفاع هذا المبني .
                        يعني انا دلوقت اوسع الحفر بشكل افقي من اخر طبقة الطينة ولا من اسفلها في طبقة الرمال . ولو من اسفل طبقة الطينة بحوالي كام متر

                        تعليق


                        • #13
                          المشاركة الأصلية بواسطة Mohamed.nasar مشاهدة المشاركة
                          شكرا لحضرتك اتساذ طلحة.
                          بس لو تكرمت ممكن تقولي اخد قطرة فأي إتجاة
                          المشاركة الأصلية بواسطة Mohamed.nasar مشاهدة المشاركة
                          وانا اسف عندي كمان استفسار .
                          لو في احتمالية وجود مبني مدفني من الصخور او الطوب زي ما حضرتك قولت.
                          هل هذا البناء احتمالية وجودة فطبقة الطينة او اسفلها في طبقة الرمال . وما هو مدي ارتفاع هذا المبني .
                          يعني انا دلوقت اوسع الحفر بشكل افقي من اخر طبقة الطينة ولا من اسفلها في طبقة الرمال . ولو من اسفل طبقة الطينة بحوالي كام متر

                          اهلا اخى الكريم
                          لا أنصح بعمل اى قطرات فى ذلك الموقع
                          بسبب ضيق الحفر عندكم ولانك شغال رأسي بعمق كبير فى منطقة ترابية بتهيل .
                          سبحان الله وبحمده
                          سبحان الله العظيم

                          تعليق


                          • #14
                            اخي الكريم طلحة .
                            انا اذا فكرت اعمل قطرة فهي لا تتعدي ال 2 متر ومعايا نجار مسلح هيأمن هذة القطرة بأذن الله .
                            كل اللي عايز اعرفة من حضرتك . لو في احتمال وجود مبني . هذا المبني هيكون في اي تربة في الطينة ولا الرملة . وشكرا جدا لحضرتك انا عارف انك خايف من الانهيار بس بأمر الله موضوع القطرة مدروس كويس . ولا بلاش قطرة واكمل حفر إلي اسفل .
                            انا اسف جدا لحضرتك و رأيك علي راسي طبعا

                            تعليق


                            • #15
                              ومعلومة كمان لحضرتك طبقة الطينة بأكملها متماسكة . الهيلان حصل من اول متر فطبقة الرملة . وليس الطينة

                              تعليق

                              يعمل...
                              X