إعـــــــلان

تقليص
لا يوجد إعلان حتى الآن.

السلام عليكم ورحمة الله وبركاته

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • السلام عليكم ورحمة الله وبركاته

    Download IMG_20171120_163855.jpg from FileFactory.com
    بعد اذن الادارة والسادة الأعضاء انا عضو جديد هذا مكان شرق النيل ويبعد عن النيل حوالى كيلو ونصف ومن جهة الغرب توجد ارض زراعية وترعة تم العمل بالمكان فى وقت سابق بحوالى خمس سنين وكانت بتخرج حجارة مكسرة ومعها زلط به احجار كريمة على بعد متر وفى الوقت الحالي تم الحفر وفى البداية وجدت طبقةحوالى عشرين سنتيمتر وبها صدف وجير وعند ازالة هذه الطبقة وجد حجر تركيب على شكل هرم او مثلث وعند ازالة هذا وجدت حجرين مثل حجارة الاهرامات ارتفاع الحجر حوالى متر ويعطى شكل مثلث رأسه فى الشرق والقاعدة فى الغرب ولكن ممتد ونزلنا من داخلهم حتى خمسة متر وجدت طبه صلبه جدا وتم تكسرها ولكن للأسف بدأت المياه تخرج من خلالها وتركنها والمياه ارتفعت لمتر ونصف ولكن عندما نزل المياه بالنيل نزلت بالحفره وقبل ظهور المياه وجدت فتحتين واحده فى اتجاهات الحجارة الضخمة 1•الشمال الغربي 2•الجنوب الغربي ولكن لا نعلم هل هذا مكان اثرى ام لا ومع العلم ان الناس فى المنطقة يحلفوا ويقسموا انهم يرو ثعبان اسود فى المكان لايتحرك ولون عينه غريب وسبب توقف العمل عدم وجود خبره ووجييود المياه ووجود ثعبين صغيرة سوداء تظهر فى اسفل الحفرة .اسف على الاطالة وأرجو ان تفيدون اصحاب الخبره ولكم جزيل الشكر والسلام عليكم ورحمة الله وبركاته

  • #2
    المشاركة الأصلية بواسطة وائل سمير مشاهدة المشاركة
    Download IMG_20171120_163855.jpg from FileFactory.com
    بعد اذن الادارة والسادة الأعضاء انا عضو جديد هذا مكان شرق النيل ويبعد عن النيل حوالى كيلو ونصف ومن جهة الغرب توجد ارض زراعية وترعة تم العمل بالمكان فى وقت سابق بحوالى خمس سنين وكانت بتخرج حجارة مكسرة ومعها زلط به احجار كريمة على بعد متر وفى الوقت الحالي تم الحفر وفى البداية وجدت طبقةحوالى عشرين سنتيمتر وبها صدف وجير وعند ازالة هذه الطبقة وجد حجر تركيب على شكل هرم او مثلث وعند ازالة هذا وجدت حجرين مثل حجارة الاهرامات ارتفاع الحجر حوالى متر ويعطى شكل مثلث رأسه فى الشرق والقاعدة فى الغرب ولكن ممتد ونزلنا من داخلهم حتى خمسة متر وجدت طبه صلبه جدا وتم تكسرها ولكن للأسف بدأت المياه تخرج من خلالها وتركنها والمياه ارتفعت لمتر ونصف ولكن عندما نزل المياه بالنيل نزلت بالحفره وقبل ظهور المياه وجدت فتحتين واحده فى اتجاهات الحجارة الضخمة 1•الشمال الغربي 2•الجنوب الغربي ولكن لا نعلم هل هذا مكان اثرى ام لا ومع العلم ان الناس فى المنطقة يحلفوا ويقسموا انهم يرو ثعبان اسود فى المكان لايتحرك ولون عينه غريب وسبب توقف العمل عدم وجود خبره ووجييود المياه ووجود ثعبين صغيرة سوداء تظهر فى اسفل الحفرة .اسف على الاطالة وأرجو ان تفيدون اصحاب الخبره ولكم جزيل الشكر والسلام عليكم ورحمة الله وبركاته
    وعليكم السلام ورحمة الله وبركاته

    اهلا ومرحبا بك أخى الكريم بمنتدى قدماء .

    اللى ذكرته حضرتك بموضوعك لا يوجد به أى دليل يدل على اثرية الموقع .
    والمقصود من اثرية الموقع أى ان تلك النقطة او البقعه التى عملت بها يوجد بها بقايا ومخلفات حضارات سابقة .

    اما بالنسبة للدفن فبالوصف الذى وصفته حضرتك فإن تلك الحفرة التى قمتم بحفرها لا يوجد بها اى دليل يدل على وجود دفن بتلك النقطة .

    لو حابب حضرتك نكمل متابعة الموضوع فبرجاء من حضرتك توضيح الاتى :-
    # ما الدافع للحفر فى تلك النقطة تحديدا ؟
    # هل العمل تم بناء على توجيهات شيخ كشف ؟
    #بالنسبة لسطح الارض اى القشرة العلوية للتربة هل كان بها اى بقايا او مخلفات اثرية مثل كسر الفخار والزجاج والنباتات المحترقة او بقايا اقمشة ... الخ
    #ما الداعى لإستكمال الحفر والتعمق أكثر فى طبيعة الارض ؟؟

    يعنى حضرتك عاوز تكمل ليه حفر ؟

    متابع معك
    ربنا ييسرلك أمورك ويبعد عنك شرار الخلق .
    سبحان الله وبحمده
    سبحان الله العظيم

    تعليق


    • #3
      السلام عليكم ورحمة الله وبركاته
      أولا شكرا اخى طلحة على الرد و اهتمامك
      ليه المكان ده تحديدا وذلك لوجود سقوط به ولجرين المياه اليه وعند كشف الارض اكشفت ان طبيعة مكان الحفر يمتد لحدود معين وبعد ذلك تظهر الطبيعة الأصلية للارض وهذا ظهر عند الحفر
      للامانه لم نستعين بشيخ ولكن فى واحد قدامى بيحفر ويبعد عنى بحوالى 20 متر وجاب اكتر من شيخ ويقول له الموقع عندى
      بالنسبة للقشرة العلوية عباره عن طبقه جيريه بها صدف وزلط سمك 20 سنتيمتر وبعد ذلك حجر تركيب وأحجار كبيرة مثل حجر الأهرامات
      ليه بقى الحفر انا بحب التنقيب وهذه هواية والله اعلم بما فى داخلى اتجاه هذا الموضوع وليس طلبا للمال ولكن حبا فى البحث والوصول لهدف فعلا
      والله المستعان
      ولو فيه اى استفسار انا تحت امرك ويوجد امور اخره ذكرت بعدها فيما سبق والاخر اشك فى مصداقيتها
      اسف للاطاله
      والسلام عليكم ورحمة الله وبركاته

      تعليق


      • #4
        المشاركة الأصلية بواسطة وائل سمير مشاهدة المشاركة
        السلام عليكم ورحمة الله وبركاته
        أولا شكرا اخى طلحة على الرد و اهتمامك
        ليه المكان ده تحديدا وذلك لوجود سقوط به ولجرين المياه اليه وعند كشف الارض اكشفت ان طبيعة مكان الحفر يمتد لحدود معين وبعد ذلك تظهر الطبيعة الأصلية للارض وهذا ظهر عند الحفر
        للامانه لم نستعين بشيخ ولكن فى واحد قدامى بيحفر ويبعد عنى بحوالى 20 متر وجاب اكتر من شيخ ويقول له الموقع عندى
        بالنسبة للقشرة العلوية عباره عن طبقه جيريه بها صدف وزلط سمك 20 سنتيمتر وبعد ذلك حجر تركيب وأحجار كبيرة مثل حجر الأهرامات
        ليه بقى الحفر انا بحب التنقيب وهذه هواية والله اعلم بما فى داخلى اتجاه هذا الموضوع وليس طلبا للمال ولكن حبا فى البحث والوصول لهدف فعلا
        والله المستعان
        ولو فيه اى استفسار انا تحت امرك ويوجد امور اخره ذكرت بعدها فيما سبق والاخر اشك فى مصداقيتها
        اسف للاطاله
        والسلام عليكم ورحمة الله وبركاته




        وعليكم السلام ورحمة الله وبركاتة

        الحمد لله إن الموضوع عندك هواية لأنى أعرف ناس ضيعت عمرها واموالها فى البحث عن سراب !

        وهى فعلا هواية جميلة هواية البحث عن كل ما هو قديم .

        هرجع لكلام حضرتك إنك ذكرت ان الدافع للحفر فى تلك النقطة هو بسبب وجود هبوط فى طبقات الارض بتلك النقطة مع وجود شروخ او فتحات بتسرب ميه اسرع من بقية الارض المحيطه ووجود احجار شبه متناسقة زى أحجار الهرم وان الحفر يعتبر جوانبه متحدده .

        هناقشهم نقطة نقطة
        اولا فعلا هبوط الارض فى بعض الحالات النادرة كان سبب فى إكتشاف مقابر او مواقع أثرية مدفونة .

        بس لازم نلاحظ حاجه هنا
        ان طبيعة الدفن عند قدماء المصريين متنوعة جدا على مدار التاريخ المصرى القديم كله ودا موضوع يطول شرحه .. ف بإختصار المناطق اللى ممكن يحصل فيها تهيل او هبوط فى التربة لو فرضنا ان هنا فى مقبرة فلازم دا يكون فى حالة المقابر المبنية فقط !

        يعنى ايه مقابر مبنية

        يعنى قدماء المصريين جم فى مكان صحراوى رملى واختار المهندس بقعة معينه والعمال حفرت حفرة كبيرة جدا على اد جسم المقبرة المراد تشيدها وبعد كدا المقبرة اتبنت وتم ردمها بالكامل .

        دا بإختصار عن المقابر المبنية
        فالمقبرة المبنية دى ممكن ممكن احتمال ضعيف ان يحصل فوق منها تهيل لان الرديم ومحيطها كله رملى وممكن البناء نفسه يتهدم او يتصدع جزء فيه بعد مرور الاف السنين او سقفها يقع او يتشرخ فيتسرب لها رمال تسد الفراغ وبالتالى يحصل هبوط او شرخ فى التربة لو ماسكة نفسها .


        بقية انواع المقابر مش بيحصل فوق منها تهيل او هبوط .
        زى القبور والمقابر بدون سقف والغرف الغير مسقوفة والمقابر المقطوعة بالصخر .
        دى لايمكن يحصل فوق منها تهيل لانها مدعومة بالجبل المقطوعه فيه .

        لو بصينا لطبيعة نقطة الحفر عندك ان قشرة الارض عبارة عن طبقة طفلة جيرية او طبقة كلسيه بها اصداف متحجرة او قواقع وتحت منها جبل قاسي عبارة عن شروخ وعروق وتفرعات مع تركيبات صخرية ذات شكل هندسي من الاحجار. فكل دا مفيهش شي يوحى بوجود بناء لمقبرة هنا

        عارف انك شاكك فى الاحجار لانها ليها شكل.

        نتكلم عن احجار المقابر
        لو فرضنا ان دى مقبرة فالاحجار مش هتظهر على العمق دا الا لو فوق منها رديم والرديم دا بيكون كله مخلفات وبواقى دفن زى الفخار ...الخ

        وانت مفيش حاجه من الكلام دا لقيتها
        يبقا الاحجار دى اغلب الظن انها طبيعية
        وعلشان نتأكد انها مش احجار تركيب زى ما انت بتقول .
        اى حجر يظهر معاك تتبعه واكشف جوانبه واوله واخره .لو احجار بناء هتلاقيها منتظمه ولها شكل هندسي وبداية ونهاية . لو احجار ردم فدى كبيرة شوية انها تكون احجار ردم فوق المقابر لان احجار الردم بتكون اصغر من كدا بكتير ... الحجر يحمله شخص واحد او شخصين .


        نيجى للنقطة الخاصة بان مكان الحفر شبه محدد .
        يعنى عامل زى البير او السرداب او ليه شكل هندسي
        يعنى انت وشغال حاسس نفسك بتشتغل وسط قطع ازميل زى ميكون قدماء المصريين قاطعين الصخر دا .وحاسس نفسك وسط جوانب وجدران .

        صح كدا ؟

        انا معاك ان الجدارن المنتظمة والفواصل بين الصخور بتبقى ملفته وتحسسك انك فعلا وسط موقع منحوت نحت . بس للاسف هنا معظم الباحثين بيتخدعوا ..

        انا كاتب موضوع كبير جدا عن خداع الطبيعة أثناء البحث والتنقيب هطرحه فى منتدى قدماء . بسبب المواضيع اللى زى كدا .


        بالعودة لموضوعك
        انا شرحت لحضرتك النقط اللى انت وضحتها لى
        وانت سيد الموقف وعلى ارض الواقع .
        انا مش عاوزك تحفر فى سراب او تخدعك الطبيعة والتكوينات الصخرية .


        علم التنقيب قائم على الاحتمالات والنتائج
        ولحد الان المعطيات اللى ذكرتها حضرتك بموضوعك مش مدية أحتمالات بأثرية الموقع .

        يبقا فاضل النتايج
        والنتايج هى انك تكمل شغل بالطريقة اللى قولتلك عليها علشان نوصل لإجابات جازمة .

        لو انت بمنطقة اثرية او مدفنية فلابد يكون قشرة الارض بها دلائل اثرية زى كسر الفخار او رماد او مخلفات ..الخ


        الشخص اللى بيحفر على بعد 20 متر منك دا هل ظهر عنده اى حاجات زى فخار ولا مخلفات ...الخ


        النقطة بتاعت ان الحفر يعتبر محدد والاحجار متركبة نقطة ملفته
        والفيصل فى الكلام دا انك تتبع الاحجار دى وتشوف اولها واخرها وهيلزم توسعة للحفر .
        لو احجار تركيب زى ما بتقول هتلاقي لها بداية ونهاية ومتناسقة .

        لو التحديد اللى بتقول عليه معمول بالأيد فهتلاقيه له شكل مظبوط معاك مهما شلت منه احجار وتعمقت فيه .
        لكن لو لقيت التحديد دا اتحول لتعرجات وتموجات صخرية فيبقا مش معمول بالايد .


        طبعا انا عارف طبيعة موقعك كويس
        بس حابب انك تتعلم بنفسك
        علشان تستفاد من التجربة

        اتمنى لك التوفيق
        وأى شي يجد معاك بلغنا
        سبحان الله وبحمده
        سبحان الله العظيم

        تعليق


        • #5
          افادك الله اخى طلحة وزادك الله من علمه وجمعنا فى الخير وان شاء الله سوف اخذ بالنصيحة واتوكل على الله
          والله الموفق والمستعان

          تعليق

          يعمل...
          X