النتائج 1 إلى 5 من 5

الموضوع: فرشة طوب احمر بعد 1.70 متر هل دي مسطبة دفن ومرفق صور

  1. #1
    باحث جديد
    تاريخ التسجيل
    Jan 2019
    المشاركات
    3

    Question فرشة طوب احمر بعد 1.70 متر هل دي مسطبة دفن ومرفق صور

    السلام عليكم ورحمة الله وبركاته
    بارك الله لكم اخواني القائمين علي هذا المنتدي الرائع ونفع الله بكم


    عندي استفسار بارك الله فيكم

    عندي قطعة ارض كبيرة اثناء عمل بعض التجهيزات بها لعمل صوب زراعية وجدت بعد عمق تقريبا 1.70 متر بعض قوالب الطوب الاحمر المسمط في الارض

    فبحثت عن هذا الامر في منتداكم وعرفت انه من الممكن ان يكون هذا الموقع اثري

    فقمت بعمل مجسات في اغلب قطع الارض وفي بقعه معينه وجدت الاتي

    عملت مجس بأستخدام ضغط المياه فبعد 1.70 متر خبط المجس في طوب احمر فقمت باختراق هذه الطوبة ونزلت بالمجس تاني لقيته بيصد في طوب تاني

    غيرت مكان المجس وعملته بعد النقطه الاولي بمتر في اتجاه الغرب عمل نفس الموضوع فعملته في نقطتين تانيين عمل نفس الكلام بعد نفس المسافة(1.70 متر) وكانت المجسات علي شكل مربع

    حفرت في المربع حفرة 1.25 متر في 1.25 متر ونزلت لغاية المسافه دي 1.70 متر اللي كان بيخبط عندها المجس لقيت فرشة من قوالب طوب احمر مرصوصة علي بطنها زي ماتكون مبنية جنب بعضها بين كل قالب وقالب ماده زي مونة بتاعت البناء كده وبين القوالب وبعضها كسر فخار مع المونة حاولت اشيل رصه من القوالب لقيت تحتها رصه تانيه نفس الشكل وبين الرصتين فخار مكسور برضو

    فقمت بتوسيع نقطة الحفر بس افقي مش راسي علشان اكشف الفرشة دي مكمله لغاية فين

    لقيتها تقريبا انتهت بين الشرق والغرب والمسافه 3 متر وبين الشمال والجنوب ازيد من 3 متر ومكملتش في الجنوب لانه خارج نطاق الارض بتاعتي

    بعد كده في فرشة الطوب دي لقيت في حته معينه فيها كام قالب كده واقف علي سيفه حوالي 5 قوالب جنب بعض وفي ظهرهم 5 زيهم ال 5 قوالب كانو في اتجاه شمال شرق وامامها شوية رديم وانا بشيله لقيت فخار وقطعة فخار منهم عامله زي قعر القله اللي بنشرب منها اعزكم الله

    نظفت في الرديم حوالي 20 سم ولقيت القوالب رجعت تاني علي بطنها

    فظنيت ان القوالب اللي علي سيفها دي بتشير لحاجه فنزلت راسي مسافه 1.5 متر وكسرت في الطوب والطوب لسه مكمل معايا برضو بس لقيت كام قالب كده اكبر من القوالب اللي بدات بيهم الفرشه

    ان شاء الله هرفع الصور التوضيحية لكل اللي لقيته بمقاسات الطوب وفي انتظار رد الخبراء هل دي مسطبة دفن ولا ايه وابعادها بتكون ايه واكمل معاها ازاي

    وجزاكم الله خيرا

    اضغط على الصورة لعرض أكبر. 

الإسم:	001.jpg 
مشاهدات:	12 
الحجم:	331.8 كيلوبايت 
الهوية:	82853اضغط على الصورة لعرض أكبر. 

الإسم:	002.jpg 
مشاهدات:	10 
الحجم:	403.7 كيلوبايت 
الهوية:	82854اضغط على الصورة لعرض أكبر. 

الإسم:	003.jpg 
مشاهدات:	8 
الحجم:	359.6 كيلوبايت 
الهوية:	82855اضغط على الصورة لعرض أكبر. 

الإسم:	004.jpg 
مشاهدات:	7 
الحجم:	264.2 كيلوبايت 
الهوية:	82856اضغط على الصورة لعرض أكبر. 

الإسم:	005.jpg 
مشاهدات:	6 
الحجم:	260.8 كيلوبايت 
الهوية:	82857اضغط على الصورة لعرض أكبر. 

الإسم:	006.jpg 
مشاهدات:	10 
الحجم:	390.6 كيلوبايت 
الهوية:	82858اضغط على الصورة لعرض أكبر. 

الإسم:	007.jpg 
مشاهدات:	7 
الحجم:	248.8 كيلوبايت 
الهوية:	82859اضغط على الصورة لعرض أكبر. 

الإسم:	008.jpg 
مشاهدات:	4 
الحجم:	153.5 كيلوبايت 
الهوية:	82860اضغط على الصورة لعرض أكبر. 

الإسم:	009.jpg 
مشاهدات:	4 
الحجم:	171.0 كيلوبايت 
الهوية:	82861اضغط على الصورة لعرض أكبر. 

الإسم:	010 شكل الطوب اللي كان علي سيفه بس بعد ماشيلته.jpg 
مشاهدات:	12 
الحجم:	130.7 كيلوبايت 
الهوية:	82862

  2. #2
    باحث جديد
    تاريخ التسجيل
    Oct 2018
    المشاركات
    5

    افتراضي

    لا اعتقد ان ده مكان اثري

  3. #3
    باحث جديد
    تاريخ التسجيل
    Jan 2019
    المشاركات
    3

    افتراضي

    اقتباس المشاركة الأصلية كتبت بواسطة الاحرار مشاهدة المشاركة
    لا اعتقد ان ده مكان اثري
    جزاكم الله خيرا اخي الاحرار علي مرورك

    ولكن قبل ان احكم انا علي ان هذا المكان اثري فقد اطلعت علي محاضرات وردود اخواننا الافاضل امثال الدكتور عماد الدين واخونا عبده النحال واخونا طلحة المصري علي مواضيع مختلفة ومن كلامهم عرفت ان هذا المكان اثري

    فوجود طوب احمر مسمط مبني تحت الارض بطريقه معينه ووجود هذا الفخار بين الطوب وبعضه ووجود ( كمية بسيطه جدا لبواقي عظم لكني لم اذكرها بالاعلي لضئالتها) الا يدل ذلك مبدأيا علي انه مكان اثري

    فلو افترضنا كونه مكان سكني مش هيكون في فخار
    ومش هيكون مبني بهذه الكيفيه

    وعموما جزاكم الله خيرا اخي الاحرار علي اهتمامك ومرورك

    وفي انتظار رد اخواننا الافاضل د عماد الدين واستاذ عبده النحال واخونا طلحه المصري

  4. #4
    باحث فضي
    تاريخ التسجيل
    Feb 2016
    الدولة
    مصر
    المشاركات
    502

    افتراضي

    الفخار معناه أن المكان ده كان فيه حياة بشرية ... وملوش اى مدلول تانى ... ده اولا
    ثانيا الطوب ملقتش ليه حد نهائى بمعنى أخر الطوب أفقى وصلتله ولا لأ ..
    ثالثاً مكانك أثرى بس أصبر وتريس... وقول يا رب
    رابعاً لو تعرف تصور المكان من الخااارج ..
    خامساً... ان شاء الله يجى الخال طلحة وهو عنده الخبر اليقين بأذن الله

  5. #5
    باحث جديد
    تاريخ التسجيل
    Jan 2019
    المشاركات
    3

    افتراضي

    جزاكم الله خيرا اخي momen wahba علي مرورك الكريم واضافتك

    بالنسبة للحد النهائي للطوب زي ما انا قولت في الموضوع مع التصحيح انه من جهة الشرق للغرب 2 متر تقريبا والطوب انتهي

    اما بالنسبة للحد النهائي من الشمال للجنوب انا كشفت منه 2.5 متر تقريبا وهو انتهي في الشمال بس مكمل للجنوب بس انا مكملتش للجنوب علشان خارج نطاق ملكي في الارض

    اما بالنسبة للصورة الخارجية للمكان لو حضرتك تقصد قطعة الارض فهي ارض زراعية مفيهاش اي علامات ولا مدلولات مش هتفيد في حاجة

    واخيرا شكرا علي مرورك واهتمامك وفي انتظار الخال طلحة اللي طااااااال غيابه علينا

المواضيع المتشابهه

  1. فحم كلس مع كسر شقف وكسر طوب احمر
    بواسطة يارب ارزقنى في المنتدى قسم استفسارات البحث والتنقيب
    مشاركات: 4
    آخر مشاركة: 2014-01-30, 10:50 PM
  2. حجر احمر
    بواسطة hosammaghrabi في المنتدى منتدى الأحجار الكريمة
    مشاركات: 8
    آخر مشاركة: 2013-11-05, 03:05 PM
  3. طوب احمر خشن وغريب
    بواسطة walled في المنتدى قسم استفسارات البحث والتنقيب
    مشاركات: 7
    آخر مشاركة: 2013-03-24, 02:59 PM
  4. طوب احمر خشن وغريب
    بواسطة walled في المنتدى الحضارة الفرعونية
    مشاركات: 2
    آخر مشاركة: 2013-03-14, 02:24 PM
  5. زئبق احمر
    بواسطة جوال سريع في المنتدى منتدى تحليل أشارات و رموز حضارات المغرب العربي
    مشاركات: 19
    آخر مشاركة: 2012-02-23, 10:03 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •