إعـــــــلان

تقليص
لا يوجد إعلان حتى الآن.

سؤال ضروري جدااا نرجوكم

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • سؤال ضروري جدااا نرجوكم

    دلوقتي .. احنا كشفنا بجهاز فراغات .. من كام سنه ..وحدد وجود فراغ كبير ..ولكن مش بالتفاصيل يعني .... ومن كام شهر جبنا جهاز حديث جداا هوه فراغات ومياه جوفيه اسمه br700pro. 2018 ........والجهاز وضح وجود ممر ومتفرع منه تلت حجرات ... واللي بيكشف دكتور فالاثار ... تمام كده .... المهم حدد .. نهايه المقبره بنقطه معينه قرب الشارع تقريبا ..يعني المفروض انها واخده نص البيت ... ومنتهيه عند اول حد الشارع ... المهم الراجل صاحب البيت شال نص بيته ..تقريبا واتشردت اولاده ...المهم وقت الحفر .. هوه نزل عشره متر ... والمفروض المقبره علي بعد تلتاشر والميه بدات تظهر وتبهدل الدنياا ... فهوه اتواصل مع حد من علي النت وحكاله الحكايه كلها ..فالراجل قاله انا عندي مجسه .. كهربيه ... هاجيلك اذا لقيت فيه مقبره بقوم انا بكل اللازم وهجيبلك فريق محترفين ... يطلعوها .. ومش هغرمك مليم ... ملقتش حاجه تدفعلي خمس تلاف جنيه ... المهم جه الراجل .. وعمل المجسه ... المفروض انها نزلت في مكان ..علي اخر متر فالمقبره ..بحسب تقرير الجهاز .. المهم المجسه نزلت سبعتاشر متر ومصدتش فحاجه مع الاسف .... والمفروض ان مبني المقبره حجري ... لان فيه مياه جوفيه ..ولو مهياش حجريه كان دخلها ميه من سنين ومشوفناش الفراغ وقت الجهاز ... عاوز اقول ان صعب المجسه تكون فاتت فسقفها وعدت منه ... والراجل بتاع المجسه قال مقبلتنيش طبقات ردم مقبره خالص ... يقصد طبقات الردم مبتتغيرش ... .. هل فيه اي احتمال يكون بتاعه المجسه غلط او خطا فني اوي اي حاجه ارجوكم ..الراجل اتشردت اولاده واسرته .. بسبب كشف الجهاز بتاع الفراغات ده .... شكرااا وعذرا علي الاطاله

  • #2
    السلام عليكم

    تعليق


    • #3
      المشاركة الأصلية بواسطة صوت الحقيقه مشاهدة المشاركة
      دلوقتي .. احنا كشفنا بجهاز فراغات .. من كام سنه ..وحدد وجود فراغ كبير ..ولكن مش بالتفاصيل يعني .... ومن كام شهر جبنا جهاز حديث جداا هوه فراغات ومياه جوفيه اسمه br700pro. 2018 ........والجهاز وضح وجود ممر ومتفرع منه تلت حجرات ... واللي بيكشف دكتور فالاثار ... تمام كده .... المهم حدد .. نهايه المقبره بنقطه معينه قرب الشارع تقريبا ..يعني المفروض انها واخده نص البيت ... ومنتهيه عند اول حد الشارع ... المهم الراجل صاحب البيت شال نص بيته ..تقريبا واتشردت اولاده ...المهم وقت الحفر .. هوه نزل عشره متر ... والمفروض المقبره علي بعد تلتاشر والميه بدات تظهر وتبهدل الدنياا ... فهوه اتواصل مع حد من علي النت وحكاله الحكايه كلها ..فالراجل قاله انا عندي مجسه .. كهربيه ... هاجيلك اذا لقيت فيه مقبره بقوم انا بكل اللازم وهجيبلك فريق محترفين ... يطلعوها .. ومش هغرمك مليم ... ملقتش حاجه تدفعلي خمس تلاف جنيه ... المهم جه الراجل .. وعمل المجسه ... المفروض انها نزلت في مكان ..علي اخر متر فالمقبره ..بحسب تقرير الجهاز .. المهم المجسه نزلت سبعتاشر متر ومصدتش فحاجه مع الاسف .... والمفروض ان مبني المقبره حجري ... لان فيه مياه جوفيه ..ولو مهياش حجريه كان دخلها ميه من سنين ومشوفناش الفراغ وقت الجهاز ... عاوز اقول ان صعب المجسه تكون فاتت فسقفها وعدت منه ... والراجل بتاع المجسه قال مقبلتنيش طبقات ردم مقبره خالص ... يقصد طبقات الردم مبتتغيرش ... .. هل فيه اي احتمال يكون بتاعه المجسه غلط او خطا فني اوي اي حاجه ارجوكم ..الراجل اتشردت اولاده واسرته .. بسبب كشف الجهاز بتاع الفراغات ده .... شكرااا وعذرا علي الاطاله
      لا حول ولا قوة إلا بالله

      موضوع يضاف علي سلسلة المواضيع اللي تفقع المرارة
      يا أخوانا بالله عليكم التنقيب دا مش مجاملات
      مينفعش أجامل حد علي حساب صحتي ومالي وسلامتي.

      التنقيب في مصر كل منطقة بتختلف عن التانيه
      في مناطق يكفيها النظر بالعين المجردة
      وفي مناطق لازم تشتغل فيها أجهزة ومعدات ثقيلة
      وفي مناطق ممكن تشتغلها بفاس ومسطرين وفرشة .

      لكن للأسف احنا عايمين في مية الجهل والمفاهيم الخاطئة عن البحث والتنقيب.

      قولا واحد قدماء المصريين مش بيدفنوا في عمق المياة الجوفية مستحيل
      ولا حتي في تربة رطبة .

      كل اللي بيظهر مع الناس من مباني وحاجات تحت الارض مالوش الا احتمالين
      الاول دفن
      والتاني اي حاجه غير الدفن
      يعني معابد سكنات بيوت ورش ..الخ

      الدفن بيكون معروف ومعلوم وله شواهد .

      المهزلة اللي احنا عايشينها في مصر هي ان الناس فاكرة ان كل حاجه تحت الارض عبارة عن دهب وكنوز وتوابيت وتماثيل بملاين الدولارات .

      ودا مش صحيح
      وللمرة المليون بنقول حتي ولو لقيت مقبرة سليمة مبنية ياكش تكون عشرة غرف ممكن متلاقيش فيها حاجه من اللي انت عاوزه.
      يعني لا هتلاقي دهب ولا تماثيل احجار نارية .

      ممكن تلاقيها كلها توابيت خشب متحللة وتماثيل خشب متحللة .

      فحرام حرام الناس تبهدل نفسها وتضيع نفسها وفلوسها علي حاجات في علم الغيب .

      البحث عن الركاز امر مشروع لكن الانسان ميبهدلش نفسه علشان حاجه غيب مش عارف اولها من اخرها .

      ويتعلم
      يجماعه اتعلموا بالله عليكم وعلموا الناس اللي اتعلمتوه .
      علموا الناس البسيطة اللي متعرفش حاجة واتبهدلت وراء كلام الدكاترة بتوع الخضار
      والشيوخ الدجالين مدعي علم الغيب .

      والله من اخطر ما يكون التنقيب في الاعماق دي اكتر من عشرة متر وكمان مع مياه جوفيه .

      المشكلة ان الشخص مجرد محد يقوله عندك مقبرة تحت البيت هو كده كده مقنع نفسه ان في مقبرة وبيحلم بيها .
      فبيكون من الصعب جدا تثنيه عن حلمه ده .
      والموضوع بيتحول لهوس

      الجهاز مفروض بيقول عندي مبني علي عمق معين
      حفرت ونزلت للعمق ده مالقتش المبني !

      لسه هسأل المشكلة فين ؟؟؟؟

      المشكلة مش في الجهاز
      ولا المجسة
      ولا البيت
      ولا الفراعنة
      المشكلة فيناااااا احنا



      ربنا ييسر الحال ويرزق الناس
      ويعوض تعبهم خير .
      سبحان الله وبحمده
      سبحان الله العظيم

      تعليق


      • #4
        انا متشكر ليك يا استاذ طلحه وفاهم قصدك ... انا حبيت اقول بس امكن الجهاز ... مكنش دقيق في تحديد حجم الفراغ .. يعني فيه فراغ بس حجمه اصغر شويه ... فممكن مثلاا بتاع المجسه نزلها بره حيز المقبره ...او يكون فيه اخطاء فنيه بتحصل في استخدام المجسه

        تعليق


        • #5
          في جزئيه بره الموضوع ده عاوز اسال عليها .... محبتش اعمل ليها سؤال منفصل ... لو في حد ..وصل لمقبره وخرم السقف والمقبره اتملت ميه ... هل ممكن غواص يقدر يدخل فيها ويطلع الحاجات ولا ده صعب ..وشكراا

          تعليق


          • #6
            رموز

            السلام عليكم اخي الكريم انا لقيت عني بئر قطره 90سموطوله 9متر ممكن الافاده جزاكم الله ؤخير

            تعليق


            • #7
              المشاركة الأصلية بواسطة صوت الحقيقه مشاهدة المشاركة
              انا متشكر ليك يا استاذ طلحه وفاهم قصدك ... انا حبيت اقول بس امكن الجهاز ... مكنش دقيق في تحديد حجم الفراغ .. يعني فيه فراغ بس حجمه اصغر شويه ... فممكن مثلاا بتاع المجسه نزلها بره حيز المقبره ...او يكون فيه اخطاء فنيه بتحصل في استخدام المجسه
              تحت امرك بأي شئ اخي الكريم

              بالنسبة لكلام حضرتك بخصوص الفراغ
              فبالعقل كدة
              احنا بنتكلم عن مقبرة و٣ غرف وبتاع يعني اوض تحت الارض .لو الجهاز ده بيكشف فعلا عن فراغ فهيديك هالة للفراغ في التصوير متحددة بالاعماق افقيا وراسيا .
              بالعقل كدة انا لما احفر ولا اعمل مجس هعمله فين ؟
              في الحرف بتاع الفراغ ؟؟؟؟
              اكيد لا
              خليني في نص الفراغ أضمن .
              وحفروا وجسو وعدوا المقاس باربعه متر وزياده ومفيش لا مبني ولا فراغ .؟!

              يبقا المشكلة فين ؟؟


              تحياتي
              سبحان الله وبحمده
              سبحان الله العظيم

              تعليق


              • #8
                المشاركة الأصلية بواسطة صوت الحقيقه مشاهدة المشاركة
                في جزئيه بره الموضوع ده عاوز اسال عليها .... محبتش اعمل ليها سؤال منفصل ... لو في حد ..وصل لمقبره وخرم السقف والمقبره اتملت ميه ... هل ممكن غواص يقدر يدخل فيها ويطلع الحاجات ولا ده صعب ..وشكراا
                الكلام ده صعب في حفر بعمق اتنين متر والدنيا مكشوفه .
                فمابالك بعمق معدي العشرة متر وكمان حفر رأسي !!!

                طبعا صعب جدا عليك
                وفيه خطورة عالية جدا
                لأن انت هتدخل في جسم المقبرة المبني المغمور بالمياه .
                ولا قدر الله ممكن اي جزء من المبني ينهار دا غير اصلا صعوبة البحث عن شي بوسط زي ده يعني ميه وطين وحاجات عرضة للانهيار .

                فضلا عن ان المقابر بتحتوي علي اشياء عضوية زي المومياء والمنحوتات الخشبية والمعادن الغير نفيسة وكل ده هتلاقيه تحلل تماما او انتهي بسبب المياة .

                وقطع اتماثيل اللي من الحجر الجيري برضو هتتأثر ولو عليها طلاء جبس هيسقط .

                مفيش حاجه بتصمد في الرطوبه والميه الا المشغولات الذهبية وقطع الاحجار النارية .
                وبرضو الرطوبه ممكن تخلي الاطراف تتكسر .

                وصدقني المقابر بتبقي في مناطق جافه وبيفتحوها يلاقوا معظم الحاجات متحلله بسبب نسمة رطوبه دخلتلها .
                فمابالك مقبرة بتسبح في المياه ؟؟؟

                ولا انصح باي اعمال في اعماق كبيرة تحت منازل وحفر ضيق وتربة بتهيل او مع وجود مياة .

                تحياتي
                سبحان الله وبحمده
                سبحان الله العظيم

                تعليق


                • #9
                  المشاركة الأصلية بواسطة عمار عبيد مشاهدة المشاركة
                  السلام عليكم اخي الكريم انا لقيت عني بئر قطره 90سموطوله 9متر ممكن الافاده جزاكم الله ؤخير
                  اهلا ومرحبا اخي الكريم

                  افتح موضوع مستقل خاص بك في قسم
                  إستفسارات البحث والتنقيب

                  وهتابع مع حضرتك
                  سبحان الله وبحمده
                  سبحان الله العظيم

                  تعليق


                  • #10
                    شكراا ..تحياتي يا محترم

                    تعليق

                    يعمل...
                    X