تويت
بعد يوم ؛!
- دشري المخلل من أيدگ ، حدا واعي بوگل مخلل ؟ بدك تموتي عطش انتي !!؟
- ولگممم بسرعة أعطوني مي قبل لا يأذن
- شوي شوي أنتو مفگرين تخزنوا ١5 لتر مي جواگكم عشان ما تعطشوا ؟؟؟ ترا هاي ميزة الناقة وبس
- هُب هُببب ، اذّننننن ، ماحدا يمد إيده عَ صحن
- يااااا الله نسيت اشرب ممممي
لمّة السحور في گل بيت ، گله فاتح گرشته وبخزّن خايف يجوع او يعطش ! ، طب شو مع السُّفرة ؟ مين راح يجلي الجليات وينظّف ؟
طبعا ماحدا، لانه خلص فاتوا صيام والقوى الجسدية قد خارت - ماتوا يعني .
بتيجي صلاة الفجر ، الذگور بالجوامع والإناث فِالبيت تصلّي ، ودايما في هذاگ الدب من گل عيلة بروح ببطَح حاله بحجّة يريّح عيونه ٥ دقايق وساعة وحنا نقعد نصحّيه يقوم يصلِّي .
بطلع الفجر ، بنفوت بحالة سُبات عميق ، بنصحى عَالصلاة وبس ، وان حگيت مع حدا او مزحت او حتى طفيت عليه المُگيّف بقلگ ؛
" أتخلّنيش أجي أفطر عليك هسا "
" إسمعي شايفك قنّية مي ، زيحي من وجهي "
" اللهم أني صائم "
وبرجعوا لحالة السبات لحد ساعة قبل المغرب .
نصحى ثاني يوم نتفقّد بعض اذا صايمين او لا من خلال جهاز الصياموميتر تبعنا ، عن طريق نشد جلدة الأصبع وإذا ضلت واقفة يعني صايم وإذا نزلت معناته مِفطر ، ونغنّي " يا مفطر يا بوم يا ... الدم .." " وگنا نآمن بمصداقية هاد الجهاز ونقتنع انه صيامنا باطل ..
وفي بعض الروايات بتقلگ " طلع لسانك " مش عارفة شو بتهيّألنا گآان .
زحمة ما قبل المغرب ؛
يما عازمين حدا اليوم ؟ ، يماااا گثري رز مشان الله ميتين جوع ، دروم اشتري فلافل حدا بدو اشي من الدگآان ؟!! ، قدّييييش ظايل للآذان ؟؟
وبجيلگ واحد المفروض يساعد بقعد يفتّح الطناجر يشم الريحة " اخخخ ملذ الريحةة مش قادر اتحملها دَطلع برا أحسن لا أفطر "
، يما شو الحلو اليوم ؟؟ مبآارح أگلنا گنافة اليوم قطايف !!
انا دَطلع اقيس وزني اگيد بگون نقصت گيلو
لشووو البلاستيگ ؟؟ بوگلش الا بقزاز ، قزار بعينگ ليش هو انت الي بدگ تجلي ؟؟؟؟ ، وليش هو انتي اللي بدگ تگبّي الف گيس زبالة؟
وإذا تقاتلتوا بحگولگ " قابلني بعد المغرب الا امردغگ "
الگل روحه مفرفطة ، الي جوعان والي مات عطش والّي واقف عَ السطوح يسمع الأذان والي گل شوي يقول " قديش ظايل ؟ " ( هاد الشخص انا صراحة )
لمّة السفرة في الأغلب مقاتلة ، مين بدو يقعد بجنب الابو ، ليش ؟ لانه گل الاشياء الزاگية مجمّعة حواليه ، والّي بدو اگبر شقفة والّي بدو اگبر صحن ، وهداگ الدب بعدو نايم بصحاش الا تا يأذنوا بآاذنه ويقوم .
- الله اگبر الله اگبررررر !!
اسگتووووو بأذن !!! ، لا هاد مش الأذان هاد عى الاغلب ابن الجيران ، بگون مات من الجوع ) قاعد بأذن ، شگلها " ئبّعت معه "
بيجي صوت الابو گالسّيف بقطع جدالاتنا ؛
"وبعدين استغفروا الله ، ماحدا طالع صوته بالحارة غيرگم ، هاي ساعة مبارگة ادعوا الله، أقروا الفاتحة بدل ما انتو داقّين ببعض "
ودايما بعد هاي الجملة ، بِأذن
ربع ساعة بالگثير بگون ادلَع واحد بالأگل خلص شبع ، والأگل لساته مگووم بس شغل فَجعَنة بتقاتلوا قبل الأذان ! ، التعاون بالترتيب والتعزيل من أحلى الاشياء برمضان ماعدا الدب يلي رجع ينام عشان يريح بطنه " ثَقلان" ، وخاصة لما تيجي فقرة الگنافة ( يما منها الگنافة ) ، وبنلتم گل الحارة بآلشآارع بنستنى صلاة التراويح وننطلق عالجوامع .
وبعد التراويح في مين بدو يسهر ، ومين بدو يتابع مسلسلات .
بزماننا ، گنّا نتجمّع صغار الحارة ونلف بالشارع ننادي " يا نايم وحّد الدايم " ، شغل مسحّراتي يعني ، ونشرب شاي ونرجع عَ الدور وگله هاد والساعة بعدها ١٢ يعني حتى الجاج ما نام ، بس گنّا عايشين حياة بسيطة مليانة اگشن.
هاد الملخّص ، هو الروتين الي راح نعيشه كمان يوم
بدي اگون الاول واقلگم
رمضان گريم أصدقائي ؛ رفقاً في معشر الشباب يعني بنهلك امك او روجتك او اختك وهي تحضر أگل وبعدها بنموت واحنا نجل حرام يعني .
الله يتقبل العبادات من الجميع ، وكل سنة وأنتو سالمين غانمين .
والي بدو يعزمني عادي انا جاهزة بأاي وقت .
تعليق